Sinhala
English
Tamil
දකුණු පළාතේ මාතර දිස්ත්‍රික්කයේ දෙනියාය කලාපයේ දීප්තිමත් පාසලක් වන අප විද්‍යාලය දිනෙන් දින විශිෂ්ටත්වය කරා පිය නගන්නාවු පාසලකි. වසර 142 ක පමණ ඉතිහාසයක් තුළ කීර්තිමත් ආදී සිසුන් රැසක් පාසලින් බිහිවී රට දැය වෙනුවෙන් සුවිශේෂී වූ මෙහෙවරක් ඉටු කරන අතර අප පාසලේ සිසු දරුවන් කලාප, පළාත් සහ ජාතික මට්ටමේ ජයග්‍රහණ රැසකට ද උරුමකම් කියයි.
අප පාසලේ තොරතුරු තාක්ෂණය අංශය විශාල දියුණුවක් ලබා ඇති අතර වසර ගණනාවක සිට පාසලේ ඉගෙනුම් ඉගැන්වීම් ක්‍රියාවලිය සදහා මැදිහත් වෙමින් ඉතා ප්‍රශංසනීය කාර්ය භාරයක් ඉටු කරනු ලබන බව පවසන්නේ සතුටිනි.
තොරතුරු තාක්ෂණ අංශයේ මූලිකත්වයෙන් නිර්මාණය කළ වෙබ් අඩවිය පාසලේ අනන්‍යතාවය සමාජගත කිරීමටත්, පාසල් ප්‍රජාවත් වෙනත් විවිධ පාර්ශවයන් සමග අදහස් හා තොරතුරු හුවමාරුව සඳහාත් ඵලදායී සන්නිවේදන මාධ්‍යයක් වනු ඇති බව මගේ විශ්වාසයයි.
පාසල් වෙබ් අඩවිය හරහා මොරවක කීර්ති අබේවික්‍රම ජාතික පාසල සමග සම්බන්ධ වන ලෙසත් , ඒ හරහා පාසලේ ඉදිරි ගමනට සහාය වීමට එක්වන ලෙසත් ආරාධනා කර සිටිමි. මෙම කර්තව්‍යයට දායක වූ ඔබ සැමට ස්තුතිවන්ත වන අතර, සිසු දරු දැරියන්ගේ ගුණ නැණ දිනෙන් දින දියුණු වේවායි මම ප්‍රාර්ථනා කරමි.
නියෝජ්‍ය විදුහල්පති,
මාර/මොරවක කීර්ති අබේවික්‍රම ජාතික පාසල
